ചഷകം‌

പല ചുണ്ടുകള്‌ മുത്തിയ ചഷകമേ
തീര്‌ന്നുവോ നിന്റെ മോഹം‌, ദാഹം?
തിളങ്ങുമുടലിനുള്ളിലുണ്ടോ
ചില്ലുമുറിവുകള്‌
നിന്നെപ്പിളറ്ന്ന
വാക്കുകള്?

മിണ്ട്-
അല്ലെങ്കില്‌
കല്ലെറിഞ്ഞ്
തകറ്ക്കും

ഞാനും!!!

ഓറ്ക്കുകിലെന്തുണ്ട് സ്നേഹത്തില്?

ഒരു പെണ്ണ് ചോദിച്ചു
അവളോടു തന്നെ:

ഉള്ളി
അവളോട്
പറഞ്ഞു:

എന്നെപ്പോലെത്തന്നെ
തുറന്നു തുറന്നുനോക്കുമ്പോള്‌
ഒന്നും കിട്ടില്ല
നിനക്ക്

പെണ്ണ്
നിറ്ത്താതെ
കരഞ്ഞു:
ഉള്ളിയെരിവുകൊണ്ടോ
അതോ സങ്കടം കൊണ്ടോ-

ആവോ!!

വിരുന്ന്

എന്റെ ചില്ലകളില്‌
വന്നിരുന്നുപോയ
പറവകള്‌ ഇന്നെവിടെയായിരിക്കും?
കൊറ്റുതേടുകയോ
ചേക്കിരിക്കുകയൊ
ചേവല്‌ കൂടുകയോ
അതോ
കാറ്റിന്റെ അടരുകളില്‌
വെറുതെ ഒഴുകിനടക്കുകയോ

വിളിച്ചുകൂകാനൊത്തെങ്കില്
എല്ലാരെയും
ഞാന്‌ അടുത്തുവരുത്തിയേനെ...
ശേഷിച്ച ഫലങ്ങളെല്ലാമെടുത്ത്
വിരുന്നൊരുക്കിയേനെ

വേഗം വേണം

വരുന്നുണ്ട്
മഴുവേന്തിയൊരാള്.